"Arsenal" Deklan Raysning vakillari bilan aloqaga chiqdi

"To'pchilar" yozgi transferlar davrida "Vest Xem" sardori Deklan Raysni safiga qo'shib olish borasida muzokaralarga kirishdi. 24 yoshli futbolchi o'tgan yozda klubni tark etishi haqida jiddiy xabarlar tarqalganiga qaramay, "Vest Xem" uni o'zida ushlab qolishga muvaffaq bo'lgandi. "Manchester Yunayted" katta mablag' taklif qilganiga qaramay, Raysni qo'lga kirita olmadi.

Rays mavsum yakunlanganidan keyin kelajagi borasida harakatga tushishi kutilmoqda. U CHempionlar Ligasida o'ynash istagini bildirgan. Futbolchi hozirgi klubi bilan shartnomasining oxirgi 18 oyiga kirdi. Klub u bilan bitimni bir yilga uzaytirish huquqiga ega. Uning transferi uchun 100 mln funt atrofidagi takliflar kutilmoqda.

Angliya terma jamoasi azosi uchun "Manchester Yunayted", "Manchester Siti" va "Liverpul" ham kurashishi aytilmoqda. Biroq ular orasida Rays eng ko'p o'z tarkibida ko'rishni istaydigan jamoa "Arsenal" ekanligi malum. "Arsenal" hozirdan harakatni boshladi va futbolchi uchun haftasiga 200 ming funt maosh taklif qilmoqda.

Deklan Rays joriy mavsum jami 28 ta o'yinda ishtirok etdi.