Andrey Fyodorov: "Loko"ga o'xshab o'ynashimiz uchun o'sha saviyadagi futbolchilarimiz bo'lishi kerak"

"O'yinga izoh berishga hojat yo'q. CHempionatning uchinchi turi, "Nasaf"ga qarshi kubok o'yini... O'yin boshida gol o'tkazish kasalligiga duch kelganmiz. Lekin, hech qaysi o'yinda bunday yirik hisobda yutqazmagandik. Afsuski, chempionatni mana shunday omadsiz boshladik", deya so'z boshladi murabbiy.

Darvozabonlarimiz o'z o'yinlarini namoyish eta olmayaptilar. O'tgan mavsumdagi posbonlarimiz jamoaga katta yordam bergandilar.

O'tkir Yusupov? Unda tajriba bor. Bu borada javob qaytarishim qiyin. Darvozabonlar bo'yicha murabbiy bilan maslahatlashamiz. O'yinlarni tahlil qilamiz va shundan so'ng kim darvozada turishini hal qilamiz.

"Lokomotiv"ga o'xshab o'ynash uchun shu saviyadagi futbolchilarimiz bo'lishi kerak. Hozircha, qo'l ostimizdagi imkoniyatlardan foydalanib turamiz.

To'pni olganimizdan so'ng uni tezda oldirib qo'ymoqdamiz. Bu bizning muammomiz. Aynan shu narsa bizga qimmatga tushmoqda deb o'ylayman.

"Nasaf"ga qarshi o'yindagi mag'lubiyat? Men uchun 1:4 hisobidagi natija kutilmagan bo'ldi. CHunki, qarshiliklar buncha golli vaziyatlar yuzaga keltirishmagandi", deya o'z fikrlarini yakunladi Fyodorov.