Andranik Teymuryan “Traktorsozi” bilan shartnoma imzoladi

To'liq ismi sharifi: Andranik Teymuryan – Samarani
Fuqoraligi: Eron
Tug'ilgan joyi: Tehron shahri, Eron
Tug'ilgan sanasi: 31 mart 1983 yil (31 yosh)
Ampluasi: yarim himoyachi
Bo'yi: 180sm
Vazni: 73kg

Andranik Teymuryan bundan avval Tehronning “Istiqlol” klubida faoliyat yuritayotgan edi. U 2010/11 yilgi mavsumda ham “Traktorsozi” klubida o'ynagan.

Andranik Teymuryan o'tmishda Angliya Primer ligasinig “Bolton”, “Fulxem” klublarida ham faoliyat yuritgan. U Eron milliy terma jamoasi safida 2006 yili jahon chempionatida ishtirok etgan. U 2011 yildan terma jamoaga sardorlik ham qiladi.

O'z o'rnida eslatib qo'ymoqchimizki, ushbu futbolchi kelasi yil 25 fevral kuni Qarshi shahrida bo'ladigan 1-turdagi “Nasaf” – “Traktorsozi” uchrashuvida ishtirok etsa, ikkinchi marta Qarshi shahriga tashrif buyurgan hisoblanadi. U 2012 yili OCHL-2012 guruh bosqichidagi “Nasaf” – “Istiqlol” uchrashuvida ishtirok etish uchun Qarshi shahriga kelgan, ammo betobligi sabab o'yinni tribunada turib tomosha qilgan edi.