Andijon shahrida AOZK Kubogi start oldi

Namangan olimpiya zaxiralari sport kollejining ikki jamoasi turnirda qatnashishdan bosh tortganligi sababli jamoalar soni 16tani tashkil etdi. Lekin namanganliklar chempionat qurasiga ko'ra ko'ra “V” va “D” guruhidan joy olgani sababli u jamoa bilan o'ynaydigan raqiblarga texnik g'alaba yozilmoqda. O'yinlar SHo'rbuloq dahasidagi suniy maydon, Bo'ston dahasida viloyat bolalar va o'smirlar futbol maktabi stadioni hamda “Sog'lom avlod” stadionida o'tkazilmoqda.

Turnir bosh hakami Mahmud Matkarimov tashkilotchi sifatida ham o'zi ishlamoqda. U kishining bizga bergan malumotiga ko'ra, chempionat ochilishi guruh bahslari yakuniga etganidan keyin o'tkazilar ekan. Qiziq, a?! Bunga sabab shuki, chempionatning ilk uchrashuvi oldidan barcha jamoalar barobar etib kelmagan. Ayrim kechikib kelgan jamoalar tufayli turnirning ochilish qismi yaqin kunlarda o'tkaziladigan bo'ldi. Hozircha kuni aniqmas.

Xullas, jamoalarning turnirga jiddiy yondoshmagani natijasida musobaqa ham tashkilotchilar kutganidek o'tmayapti. Yana bir qiziq xolat, Navoiy - CHirchik olimpiya zaxiralari kolleji o'yini aslida taqvimga ko'ra kecha bo'lib o'tishi kerak edi. Ammo jamoalarning Andijonga aytilgan vaqtda etib kela olmagani natijasida o'yin ertaga o'tkaziladigan bo'ldi. Birinchi kundan boshlab, muammoga duch kelgan tashkilotchilar qolganini ijobiy o'tkazishni o'ylab turibdi.

SHuningdek musobaqada hakamlar bilan bog'liq muammolar uchrayotganini aytib o'tishni istardik. Boisi yon chiziq hakamlarisiz o'tgan uchrashuvlar ham uchramoqda!
Aslida mazkur musobaqaga Surxondaryo, Samarqand, Jizzax viloyatlaridan ham jamoalar kelishi kutilgandi. Garchi ularga 20 kun oldin rasmiy taklif yuborilgan bo'lsada, Andijonga kelishni lozim topmagan.

Bugun guruh bosqichining ikkinchi tur o'yinlari bo'lib o'tdi. Turnir favoriti sifatida qaralayotgan “UzDongJu” kecha 1-turda “To'raqo'rg'on SK” bilan kuch sinashib, javobsiz 18ta (!) gol kiritgani etiborga molikdir. Qolgan uchrashuvlarda ham yirik hisoblar qayd etildi.

“A” guruhi
1. AOZK-1
2. Asaka sport kolleji-2
3. CHirchiq olimpiya zaxiralari kolleji
4. Atlaschi
5. Navoiy

“V” guruhi
1. “Andijon” PFK
2. Asaka sport kolleji-3
3. Namangan olimpiya zaxiralari kolleji
4. Andijon olimpiya zaxiralari kolleji-2

“S” guruhi
1. “UzDongJu”
2. “Neftchi” PFK
3. To'raqo'rg'on sport kolleji
4. Andijon viloyati futbol licey internati
5. Oltinko'l

“D” guruhi
1. Viloyat bolalar va o'smirlar futbol maktabi
2. Asaka sport kolleji-1
3. Namangan olimpiya zaxiralari kolleji-2
4. Farg'ona olimpiya zaxiralari kolleji-1


Guruh bosqich o'yinlari
10 noyabr, dushanba. 1-tur.
“A” guruhi
Navoiy - CHOZK (o'yin ertaga bo'lib o'tadi)
ASK-1 – AOZK-1 1:7
“V” guruhi
“Andijon” PFK – NOZK-1 +/-
ASK-3 – AOZK-2 0:8
“S” guruhi
“UzDongJu” – To'raqo'rg'on SK 18:0
“Neftchi” PFK – AVFLI  6:1
“D” guruhi
 VBO'FM – NOZK-2 +/-
ASK-1 – FOZK-1 4:0

11 noyabr, seshanba. 2-tur.
“A” guruhi
CHOZK – Atlaschi 2:1
AOZK – Navoiy 2:1
“V” guruhi
“Andijon” PFK – ASK-3 3:1
NOZK-1 – AOZK-2 -/+
“D” guruhi
VBO'FM – ASK-1 1:5
FOZK-1 – NOZK-2 -/+
“S” guruhi
“UzDongJu” – “Neftchi” PFK 3:2
To'raqo'rg'on SK – Oltinko'l 1:1  

Ertaga quyidagi o'yinlar bo'lib o'tadi
10:00. AOZK-1 – “Atlaschi”. “Sog'lom avlod” stadioni.
10:00.  AVFLI – To'raqo'rg'on SK. “SHo'rbuloq” stadioni.
10:00. FOZK- 1 – VBO'FM. “Bo'ston” stadioni.
12:00. “Navoiy” - ASK-2. “Sog'lom avlod” stadioni.   
12:00. “Oltinko'l” – “UzDongJu”. “SHo'rbuloq” stadioni.
14:00. AOZK- 2 -  “Andijon” PFK. “Sog'lom avlod” stadioni.
14:00. Navoiy – CHOZK. “SHo'rbuloq” stadioni.
 
Islombek Rustambekov.