"Andijon": Krushelnickiy ketdi, Abduqodirov qaytdi

Tarkibda etiborga molik o'zgarishlar yuz berdi. Mavsumlar oralig'ida jamoa yig'inida qatnashgan himoyachi Yaroslav Krushelnickiy endilikda o'ziga boshqa jamoa topadigan bo'ldi.

Tarkibga hujumchi Abdulatif Abduqodirov qo'shildi. O'tgan mavsumning ikkinchi yarmida "Andijon" safida sermahsullik ko'rsatgan futbolchi viloyat hokimining taklifiga binoan yana jamoaga qaytdi. Aytish lozimki, Abduqodirov jamoa bilan bir yillik shartnomaga imzo chekdi. Anvar Berdievninig ham "Andijon"ga o'tishi aytilayotgandi. Ammo bu o'tish amalga oshmaydigan boldi. "Bunyodkor"ning boshqa bir futbolchisi Dilshod Jo'raev bilan esa muzokaralar davom etmoqda.

Eslatib o'tamiz, "Andijon" chempionatdagi birinchi o'yinini 12 mart kuni safarda "Nasaf"ga qarshi o'tkazadi.