"Andijon" klubi matbuot kotibining tarqalgan videosi bo'yicha bayonot bilan chiqdi

"Malumki “Andijon” futbol jamoamiz qishki yig'inlarning ikkinchi bosqichini Turkiyaning Antaliya shaxrida 14 kun davomida olib bordi. 

Yig'in davomida matbuot raxbarining sog'lig'ida muammolar bo'lgan va shaxardagi shifohonaga olib borilib tegishli muolajalar olib borilgan.

Safardan kaytish chog'ida matbuot rahbari Antaliyadan Istambulga bir soatlik parvoz qilib etib kelgan. Istanbul aeroportida navbatchi shifokorlar tomonidan ko'rikdan o'tkazilganda bemorda qand miqdori meyordan ortib ketganligi sababli parvozga ruxsat berishmasligini, tegishli muolajalar qilib qayta taxlildan o'tkazib bemorning xolati barqaror bo'lgandagina O'zbekistonga uchirib yuborishlarini bildirishgan. SHundan so'ng klub raxbariyati klub matbuot rahbari va shifokorini Istanbuldagi shifoxonada qoldirishgan. Xozirda muntazam ravishda Istanbuldagi shifoxona bilan aloqada bo'lib vaziyat nazorat qilib borilmoqda, muolajalar dushanba kuniga qadar davom etishi va shundan so'ng qayta tahlil o'tkazgandan so'ng O'zbekistonga uchib kelishlarini malum qilishdi. Barcha muolajalar va tahlillar uchun to'lovlar klub tomonidan amalga oshirilmoqda.

Klub xar bir xodimni ximoya qiladi va qadrlaydi.

R.S - klub bo'yicha barcha yangiliklarni rasmiy kanalimizda elon qilingandan so'ng inobatga olishingizni, boshqa ijtimoiy tarmoqlar saxifalarida chiqayotgan xabarlarni aniqlashtirgandan keyin fikr bildirishingizni so'rab qolamiz. Har qanday savol masalalar bo'yicha javob berishga doim tayyormiz.", - deyiladi klub bayonotida.