Ana xolos, ikkinchi davra penaltilar bilan boshlandi
15 avg 2017 13:11
Yangiliklar

Ana xolos, ikkinchi davra penaltilar bilan boshlandi

Oliy liganing ikkinchi davrasida dastlabki ikki tur ortda qoldi.

Qizig'i shundaki, hozircha jami 16ta o'yin bo'lib o'tgan bo'lsa, shundan 9tasida darvozalar tomon penalti belgilandi. Lekin futbolchilarning hammasi ham 11 metrlik jarima to'pidan samarali foydalana olishmadi.

Xususan 16-turda belgilangan beshta penaltidan to'rttasi golga aylanmadi. 17-turda esa faqat bitta penalti amalga oshmay qoldi. Qolgan uchtasida futbolchilar mo'ljaldan adashishmadi.

16-turda penalti belgilangan o'yinlar

"DINAMO" - "METALLURG" 0:3
Nechta penalti qo'yildi? Bitta
Penalti golga aylandimi? Yo'q. "Metallurg" sardori Hikmat Hoshimov tepgan to'p darvoza ustuniga tegib qaytdi.
O'yinni kim boshqardi? SHerzod Qosimov

"NEFTCHI" - "SHO'RTAN" 1:1
Nechta penalti qo'yildi? Bitta
Penalti gol bo'ldimi? Yo'q. "Neftchi" futbolchisi Muzaffar Muzaffarov tepgan to'pni darvozabon qaytardi.
O'yinni kim boshqardi? Vadim Agishev

Suratga izoh: Muzaffar Muzaffarov (o'ngda) penaltidan gol urganida "Neftchi" g'alaba qozonardi

"OLMALIQ" - "BUXORO" 1:1
Nechta penalti qo'yildi? Ikkita
Penalti golga aylandimi? Faqat bittasi. "Olmaliq" yarim himoyachisi SHota Grigalashvili nuqtadan adashmadi, lekin Igor Yelichning zarbasi noaniq chiqdi.
O'yinni kim boshqardi? Ravshan Ermatov

"QIZILQUM" - "PAXTAKOR" 1:1
Nechta penalti qo'yildi? Bitta
Penalti golga aylandimi? Yo'q. "Paxtakor" yarim himoyachisi Tiago Bezerra tepgan to'p to'singa tegib qaytdi.
O'yinni kim boshqardi? Valentin Kovalenko

17-turda penalti belgilangan o'yinlar
"SO'G'DIYONA" - "LOKOMOTIV" 0:4
Nechta penalti qo'yildi? Bitta
Penalti gol bo'ldimi? Ha. "Loko" hujumchisi Marat Bikmaev mo'ljaldan adashmadi.
O'yinni kim boshqardi? Temur To'xtasinov

"NAVBAHOR" - "QIZILQUM" 3:2
Nechta penalti qo'yildi? Ikkita
Penalti golga aylandimi? Ha. "Navbahor" sardori Dilshod Jabborov va "Qizilqum" yarim himoyachisi Ilhom Yunusov 11 metrlik nuqtadan gol urishdi.
O'yinni kim boshqardi? Vadim Agishev

Suratga izoh: Ilhom Yunusov 11 metrlik jarima to'pini bexato bajardi

"BUXORO" - "NASAF" 1:0
Nechta penalti qo'yildi? Bitta
Penalti golga aylandimi? Yo'q. "Buxoro" hujumchisi Sanat SHixov nuqtadan to'p kirita olmadi.
O'yinni kim boshqardi? Valentin Kovalenko
Qiziq fakt: Vadim Agishev bilan Valentin Kovalenko ketma-ket ikkala turda ham penalti qo'ygan hakamlar bo'lishdi.

X.Xoliqov

Havola :

Manba : championat.asia

Yangiliklarni Telegramda o'qing!

Reyting: -26