Amirbek Saidov: "Ispaniyaga qarshi o'yinda ikkita gol urishni maqsad qilgandim"

"So'nggi o'yinlarda gol urayotganimda hech qanday sir yo'q. Menda yuqori motivaciya bor. Biz jahon chempionatida ishtirok etyapmiz. Har bir futbolchi bunday musobaqada o'ynashni orzu qiladi. Ispaniyaga qarshi o'yinda ikkita gol urishni maqsad qilgandim. Biroq bir marotaba raqib darvozasini ishg'ol qildim. Bellashuv avvalida gol urishimni aytgandim, buni uddasidan chiqdim. Bunday natijaga erishish uchun butun jamoa mehnat qildi, ularga minnatdorchilik bildiraman. Har bir futbolchi o'yin davomida toliqishi mumkin. Bu normal holat. Jarohat olmasam, butun o'yin davomida yugurishga tayyorman" — dedi Saidov.

Eslatib o'tamiz, o'zbekistonlik futbolchi "Qizil furiya" darvozasiga bitta to'p kiritdi. SHuningdek, u Kanadaga qarshi bahsda dubl qayd etdi.