Alves "Barselona" rahbariyatini tanqid qildi

"Barselona" sobiq futbolchisi Dani Alves klubni shartnomani uzaytirish bilan bog'liq holat uchun tanqid ostiga oldi.

"Bir-birini hurmat qilish, "Barsa"da katta muvaffaqiyatlarga erishgan insonlarni hurmat qilishning yo'llari va usullari bor. SHuning uchun men ularga abadiy minnatdorlik bildirishimni aytdim, lekin ular mening shartnomamni yangilash masalasini qanday hal qilganliklari uchun emas. "Barsa"ga qaytganimda, ular men bilan hech qachon muammoga duch kelmasligini aytgandim. Barselonadagi hayot – taqdir sovg'asi.

"Barsa"da ishlash yoki o'ynash imkoniyatiga ega bo'lish – bundan ham katta sovg'a, ammo ular men bilan ochiq gaplashishlari va masalani yuzma-yuz muhokama qilishlari mumkin. Qolsam, qolaman, bo'lmasam, yo'q. Men bilan shartnomamni uzaytirmasliklarini aytishlarini deyarli bir oy kutishim kerak bo'ldi", – dedi futbolchi.

Dani Alves yangi klubi bilan shartnoma imzoladi