Aleksey Evstafeev: "Avval "Obod"dan taklif bo'lsin, keyin aniq fikr bildirishim mumkin"

"Obod" jamoasidan menga taklif bo'lgani yo'q. Bu klubni boshqarishim mumkinligi haqida yozishibdi. Men esa buni inkor etdim. CHunki "Obod" klubidan aniq taklif tushmadi. "Neftchi" bilan 31 dekabrgacha amaldagi shartnomam bor. SHu bois hozir hech qaerga ketganim yo'q. Bundan tashqari menga takliflar ham bo'lmadi. SHunday ekan hamon "Neftchi"daman. 14 dekabr kuni Farg'onada dastlabki yig'inni boshladik. Fyodorov Moskvada Pro licenziyasiga o'qiyotgani bois 26 dekabrga qadra kechadigan ilk yig'inni men olib boraman. Andrey Fyodorov Yangi yil bayramidan so'ng jamoa bilan mashg'ulotlarni boshlaydi", - deydi Evstafeev "Futbol Ekspress" gazetasiga bergan intervyusi chog'ida.

- Agar "Obod" jamoasidan taklif tushadigan bo'lsa, uni qabul qilasizmi?

- Avval taklif bo'lsin, keyin bu haqda aniq bir fikr bildirishim mumkin. Albatta, har bir murabbiy mustaqil ravishda ishlab, jamoa boshqarishni xohlaydi.