Aleksandr Xomyakov: "Bunday shiddatli o'yinlarda biroz vaqt cho'zish normal holat"

- O'yin haqida fikringiz...

- O'zingiz guvohi bo'lganingizdek, ancha jiddiy o'yin bo'ldi. Bugungi uchrashuv turnir javdaliga katta tasir o'tkazardi. Derbi bo'lgani uchun ham bosim yuqori edi. O'yinga keladigan bo'lsak, "Neftchi" ko'p vaziyat yaratdi. Lekin biz yaxshi himoyalana oldik. Birinchi bo'limda maydon markazini to'liq raqibga berib qo'ygan edik, shu sababdan ancha qiynaldik. Nima bo'lganda ham bugun bir ochko qo'lga kiritdik.

- Toirovning birinchi bo'limdagi vaziyati va o'yin davomida vaqtni ataylab cho'zilishi haqida fikringiz...

- Biz maydon o'rtasida juda sust o'ynadik, shu sababdan ko'p xatoga yo'l qo'ydik. O'yinni o'zingiz tomosha qildingiz. Bunday yuqori tezlikda o'tadigan bahslarda biroz vaqt cho'zish normal holat. Bunday o'yinlarda hamma usullar foydali. Raqib bizni ancha qiynadi, shu sabab ikkinchi bo'lim o'rtasida uch markaziy himoyachi bilan o'ynashni boshladik. Darvozabonimiz ham bugun bizni qutqardi.

- Sardor Azimov so'nggi o'yinlarda juda emocional bo'lib qolgan. Unda qandaydir psixologik muammo bormi?

- Bunday o'yinlar emociyaga boy bo'ladi. Ammo professional futbolchi har doim emociyalarini jilovlay olishi kerak. Uning bugungi hulqi yarashmadi. U yaqindagina qizil kartochka olgan edi, shu sababdan bugun o'zini yaxshiroq tomonlama ko'rsatmoqchi edi.

- "Andijon" jamoasi o'z uslubini mavsum oxiriga qadar o'zgartirmaydimi? Keyingi uchrashuvlarda darvozabon klubni qutqarolmay qolishi mumkin, chempionat so'ngida esa har bir jamoa borini berib o'ynaydi...

- Biz hozir hujumda muammoga duch kelmoqdamiz, buni yashirmayman. Biroq "Neftchi" jamoasi uch o'yindan beri g'alaba qozona olmayapti. Bu degani, raqiblar "Neftchi" jamoasiga qarshi ancha zich himoyalanishmoqda. OKMK besh nafar himoyachi bilan o'ynadi. Mavsum so'ngi deyapsiz, lekin hozir ham jamoalar natija uchun o'ynamoqda. Hozirgi kunda ko'proq natija muhim bo'lib qoldi. Ikkinchi davrada "Neftchi" jamoasi pozicion hujumini ancha yaxshilab olibdi. Bugun ularga qarshi himoyalanish oson bo'lmadi.

- Oxirgi daqiqalarda himoyachilar to'pga ega chiqishi bilan darhol uni tepib yubordi. Bu sizning ko'rsatmangizmidi?

- O'zingiz ko'rdingiz-ku, o'yin shunga majbur qildi. Biz o'zimiz darvozaga yaqin himoyalandik va bu xato edi. Darvozaga yaqin o'ynash to'g'ri qaror emas, biroq raqib tempini pasaytirishimiz lozim edi. Biz so'nggi daqiqalarda hisobni saqlab qolish uchun o'ynadik.

- "Andijon" jamoasi joriy mavsum o'zidan kuchliroq raqiblardan ko'p ochko tortib oldi. Ushbu natijalardan so'ng jamoangiz TOP oltilik uchun kurashadimi yoki hozirgi natijalar ham qoniqarlimi?

- Har bir jamoa eng yaxshi natijani qayd etishni maqsad qiladi va biz ham bundan mustasno emasmiz. O'yinga baho bersak, men ham doim ham namoyish etayotgan o'yinimizdan qoniqmayman. Ko'proq hujumga o'tishni istar edim, ammo shunday o'ynashga majbur bo'lyapmiz. Biz ko'p narsa istaymiz, lekin barcha rejalarimizni amalga oshirish imkonsiz. Men jamoamning kuchli taraflariga tayanib o'yin tuzaman. Biz himoyada yaxshi o'ynayapmizmi, ushbu uslubda qolishimiz va ochkolar to'plashimiz muhimroq.