Aleksandr Xomyakov: "Beshinchi o'rinni saqlab qolmoqchimiz"

"Afsuski , bugun o'z maydonimizda muxlislarimizni xursand eta olmadik. Ular uydagi uchrashuvlarga g'alabaga o'rgangan. Maydonni har bir qarichi uchun kechgan kurashda keskin bahsni ko'rdik. Biz bu uchrashuvga jiuda ham qattiq tayyorgarlik olib bordik. Raqibning ahvoli havas qilarli darjada emas. SHu bois ular juda katta shijoat bilam maydonga tushdi. Albatta turnir jadvali bugungi o'yin ahmiyatini belgilab berar edi.

O'zimini o'yinga kelsak , o'yinimiz qovushmadi. Jamoa beshinchi o'ringa yaxshi joylashib olgani bois futbolchilarning ruhiyatida o'zgarish bo'ldi. Bu futbolchilardan ko'ra meni aybim. Ularni 100 %  ruhiy tayyorlay olmadim.  Ikki ochkoni yo'qotdik. Bugungi g'alaba bizga rasmiy beshinchi pog'onani berar edi.

"Buxoro" bu o'yinda ham xuddi "Qizilqum"ga qarshi o'ynagandek harakat qildi. Birinchi bo'lim to'rtta himoyachi, ikkinchi bo'limda esa uchta. Ko'proq hujumga ahamiyat berish. Mana ikkinchi bo'lim asosan hujumda o'ynadi. Biz esa omadni asosan qarshi hujumdan izladik. Hujum va yarim himoya chizig'imiz doimgidek muvaffaqiyatli o'yin ko'rsata olmadi.

Oldinda hali yana uchta uchrashuv bor. Biz o'z o'rnimizni yo'qotishni istamaymiz. Jadvalda ham o'z o'rinimizni saqlab qolmoqchimiz" ,  - deydi Aleksandr Xomyakov