"Al Hilol" APL to'purari bo'yicha taklif bilan chiqdi

Taniqli insayder Fabricio Romanoning so'zlariga ko'ra, "Al Hilol" serbiyalik hujumchi Aleksandar Mitrovichni 30 mln evro evaziga sotib olishga tayyor, ammo bu taklif "Fulxem"ga to'g'ri kelmaydi. SHu bilan birga, London klubi muzokaralar uchun ochiq, "Al Hilol" esa pul qo'shishga tayyor.

Aleksandar Mitrovich 2022/2023 yilgi mavsumda APLning 24 ta o'yinida 14 ta gol urdi va bu uning Angliya ligasidagi eng yaxshi ko'rsatkichidir. Undan oldingi yil esa 28 yoshli serbiyalik CHempionshipda bir mavsumda 43 ta gol urgandi.

Mitrovich "Al Hilol"da arab klubiga o'tish masalasini amalda hal qilgan serbiyalik termadoshi Sergey Milinkovich-Savich bilan yana birlashishi mumkin.