Akrom Komilov: "Mashal" asosan himoyada o'ynashini bilardik"

"Og'ir o'yin bo'ldi. "Mashal" asosan himoyada o'ynashini bilardik. Agarda biz birichni bo'limda gol urganimizda barchasi oson bo'lardi. Ikkinchi bo'limda raqib imkon qadar o'z darvozasidan to'p o'tkazmaslik haqida o'yladi. Butun jamoa himoyada o'ynadi, buni futbol deb bo'lmaydi. Jamoada vaziyatlardan foydalanish ko'rsatkichi ancha pastligini tan olaman. Bugun yutishimiz kerak edi. "Zob Ahan"ga qarshi bahsda o'zimizga kerakli bo'lgan ochkoni qo'lga kiritishga harakat qilamiz. O'sha uchrashuvda bugungi o'yindagi xatolarni to'g'rilashimizga va hujumchilarimiz gol urishlariga ishonaman", - deydi Akrom Komilov.