Ahad Yusupov: "Ushbu chempionat Osiyo miqyosida muhim ahamiyat kasb etadi"

Bugun barcha jamoa murabbiylari ishtirokida matbuot anjumani bo'lib o'tdi. "Lokomotiv" jamoasining bosh murabbiyi Ahadjon Yusupov quyidagi savollarga javob berib o'tdi:

- Turnirning tashkiliy qismi haqida fikringiz va o'z jamoangiz haqida gapirib bersangiz?
- Avvalambor turnirning tashkilotchilariga minnatdorchilik bildiramiz. Bizni o'z uyimizdagidek qarshi olishdi va xamma narsa alo darajada. Ushbu chempionat Osiyo miqyosida muhim ahamiyat kasb etadi. Barcha jamoalarning chempionlik nomi ostida kelib ushbu turnirda qatnashishi, chempionatning yanada jozibador o'tishini taminlaydi. Jamoamizga kelsak, bizda iqtidorli o'yinchilar etarli va biz bu turnirga may oyidan beri tayyorgarlik ko'rib kelyapmiz.

- O'quv-yig'in mashg'ulotlarini qaerda o'tkazdingiz va sizda nazorat uchrashuvlari bo'ldimi, ularda qanday natijalar qayd etdingiz?
- Biz yig'inni poytaxtimiz Toshkent shahrida o'tkazdik va 4 ta nazorat uchrashuvida qatnashdik. Ularning barchasida g'alaba kozondik.

- Turnirda o'z jamoangiz kuchiga ishonasizmi, chunki sizlar bilan bir guruxda mezbonlarning "SHenjen Nanling" jamoasi ham ishtirok etyapti, guruhda kim g'olib chiqishini ayta olasizmi?
- Guruh jiddiy jamoalardan tashkil topgan. Aytib o'tganingizdek mezbon jamoada har doim biroz ustunlik bor va jamoa muxlislari tomonidan jiddiy tarzda qo'llab-quvvatlanishi imkoniyati yuqori. Bu albatta ularga ruhiy kuch bag'ishlaydi, ammo biz xam bu erga yuqori natijalarni ko'zlab kelganmiz va umid qilamanki guruhdagi barcha uchrashuvlar juda qiziqarli o'tadi. Sababi?! oddiy, chunki bu erdagi hamma jamoalar o'z mamlakatining chempionlari hisoblanishadi.


"Lokomotiv" matbuot xizmati