Abror Xusinov: "G'ijduvon"ga qarshi o'zimiz kutgan darajada o'ynay olmadik"
18 mar 2022 15:02
Yangiliklar

Abror Xusinov: "G'ijduvon"ga qarshi o'zimiz kutgan darajada o'ynay olmadik"

Pro liganing 2-turidan o'rin olgan G'ijduvon - Xorazm (0:0) uchrashuvidan keyin mehmonlar himoyachisi Abror Xusinov fikrlariga quloq tutdik.

“G'alaba uchun maydonga tushgandik. Lekin jamoamizga omad etishmadi. Oxirigacha gol urib, g'alabani ilib ketishga intildik. Afsuski, maqsadimizga erisha olmadik. Qolaversa, o'zimiz kutgan darajada o'ynay olmadik.

CHunki o'yin avvalida murabbiylar shtabi bizni ko'proq to'pni maydonda olib yurishimizni, paslar orqali futbol namoyish qilishimizni uqtirgandi. Lekin o'yin davomida tinimsiz yomg'ir yog'ib turdi. Maydon holati murabbiy tomonidan berilgan ko'rsatmani bajarishga aslo yo'q qo'ymasdi. Natijada, to'pni erdan uzib, hujum qilishimizga majbur bo'ldik.

Bu mavsumda imkon qadar ko'proq o'yinlarda muvaffaqiyatga erishmoqchimiz. Jamoa ishqibozlarini g'alabalarimiz bilan xursand qilishni rejalashtirganmiz", - dedi Xusinov.

Havola :

Manba : championat.asia

Yangiliklarni Telegramda o'qing!

Reyting: +2