Abramov va Lushan bir-birlariga iliq munosabatda bo'lishdi

SHu munosabat bilan bugun O'FF binosida finaldan oldingi matbuot anjumani tashkil etildi. Unda dastlab “Bunyodkor” bosh murabbiyi Sergey Lushan va jamoa sardori Xayrulla Karimov, undan keyin “Lokomotiv” bosh murabbiy Vadim Abramov bilan klub himoyachisi Islom To'xtaxo'jaev ishtirok etishdi.

Matbuot anjumani boshlanmasidan oldin har ikkala jamoa murabbiylari bir-birlari bilan ko'rishib o'zaro iliq munosabatda bo'lishdi. Vadim Karlenovich birmuncha hazilkash emasmi, o'zini ancha quvnoq tutdi. SHuningdek, Sergey Lushan ham o'zini bamaylixotir tutib, Abramov bilan samimiy munosabatda bo'ldi. Ertaga esa har ikkala murabbiy bir-birlariga raqib bo'lishadi. Kim g'alaba qozonishni esa o'yin yakuniga etgach, bilib olamiz.