208 muxlis, 23 gol - turning qiziq raqamlari bilan tanishing
18 okt 2021 00:26
Yangiliklar

208 muxlis, 23 gol - turning qiziq raqamlari bilan tanishing

Teglar : 22-tur Coca Cola Superliga-2021

O'zbekiston chempionatining 22-turi yakunlandi.

AGMK 3:2 "Mashal", 208 tomoshabin
"Nasaf" 1:0 "Metallurg", 1 795 kishi
"Paxtakor" 4:2 "Qizilqum", 588 muxlis
"Turon" 1:1 "Surxon", 5 127 tomoshabin
"So'g'diyona" 1:1 "Qo'qon-1912", 2 210 kishi
"Navbahor" 2:1 "Bunyodkor", 5 127 tomoshabin
"Lokomotiv" 2:2 "Andijon", 470 kishi

Mazkur turni 15 525 muxlis stadionning o'zidan tomosha qildi (o'tgan turga nisbatan 2 376 kishiga kamroq). Bu har o'yinda o'rtacha 2 218 nafar tomoshabin arenaga kelayotganini bildiradi. Guvohi bo'lganingizdek, eng ko'p ishqiboz Yaypan va Namangandagi o'yinlarda ishtirok etdi (5 127 nafardan). Eng yomon natija esa AGMK — "Mashal" o'yinida qayd etildi (208).

Malumot uchun, Toshkentda o'tkazilgan 2 o'yinni tomosha qilish uchun "Lokomotiv" va "Paxtakor" o'yingohiga 1 058 nafar muxlis tashrif buyurdi.

7 o'yinda jami 23 gol urildi (o'tgan turga nisbatan 7 taga ko'p). Bu har o'yinda o'rtacha 3,3 tadan gol degani. To'plarning 14 tasi mezbon, 9 tasi mehmon jamoalar tomonidan kiritildi. Eng ko'p gol "Qizilqum" va "Paxtakor" o'rtasidagi o'yinda urildi (6). Faqat 1 jamoa raqib darvozasini ishg'ol qilolmadi ("Metallurg").

Faqat 1 futbolchi xet-trikka erishdi. "Paxtakor" vakili Dragan CHeran Nesterov darvozasini 3 bor ishg'ol qildi.

22-turda referilar 39 marta (o'tgan turga nisbatan 13 ta ko'p) cho'ntaklaridan sariq rangdagi kartochkalarni chiqarishga majbur bo'lishdi (o'rtacha 5,6 tadan).

Faqat 1 futbolchiga qizil kartochka ko'rsatildi — Xudoyshukur Sattorov ("Metallurg").

5 bor 11 metrlik jarima zarbasi belgilandi.

22-turda faqat bir futbolchining nomiga avtogol yozildi — Ignatiy Nesterov ("Qizilqum").

Malumot uchun, keyingi tur bahslari 21 oktyabr kuni start oladi.

23-tur
21.10.2021. "Metallurg" — AGMK
22.10.2021. "Bunyodkor" — "Turon"
22.10.2021. "Surxon" — "Qizilqum"
23.10.2021. "Qo'qon-1912" — "Lokomotiv"
23.10.2021. "Mashal" — "Navbahor"
24.10.2021. "So'g'diyona" — "Paxtakor"
25.10.2021. "Andijon" — "Nasaf"