2020 yil Toshkent shahar Kubogi "Trastbank Cup" deb nomlanadi

Toshkent shahar hokimligi 311-sonli farmon ijrosini taminlash bo'yicha ishga kirishgan bo'lsa, O'zbekistondagi eng yaxshi sifatli xizmatlarni taqdim qiladigan "Trastbank" TFAning titul homiysiga aylandi. Noyabr oyida bo'lib o'tadigan Toshkent shahar Kubogi musobaqasi 2020 yilda "Trastbank Cup" deb nomlanadi. Kubok sohibi pulka saralash yo'llanmasini qo'lga kiritadi va ularda O'zbekiston chempionatining 1-ligasiga chiqish imkoniyati bo'ladi.

"Trastbank Cup"da 2020 yil barcha shartlarni bajarga 2-liga vakillari ishtirok etadi. Savatchalar 2-liga yakuniy jadvalidan kelib chiqqan holda shakllantiriladi. 2-ligada sovrindor bo'lgan jamoalar yarim finalga qadar to'qnash kelmaydilar.

O'yinlar uy safar tizimida bo'lib o'tadi. 1/2 final va final uchrashuvlari, vaqt tig'izligi bois bir o'yindan iborat bo'ladi.

"2021 yil umuman boshqa Toshkent shahar futbol associaciyasini ko'rasizlar. Pandemiya tufayli ayrim rejalarimiz o'xshamay qoldi. Hozir 3ta katta kompaniya bilan homiylik shartnomasi bo'yicha muzokara olib boryapmiz. Ulardan biri Kubok o'yinlarimizga titul homiy bo'ldi. Endi 2-liga va bolalar ligamizning titul homiylari bo'yicha ish boshladik. Hokimiyat va O'FA tomonidan 2020 yilgi moliyaviy holatimizdagi muammo bartaraf qilindi. Keyingi yilgi bolalar ligasi, har bir poytaxt chempionatida ishtirok etayotgan futbolchining yodida qolishi ustida ishlaymiz", - deydi TFA 1-vice Prezidenti Alisher Polatov.