Samarqand shahri, xususan O'FF, PFL va "Dinamo" klubi mutasaddilari finalga yaxshi tayyorgarlik ko'rishgani sezilib turdi.

Masalan final oldidan qorga burkanib qolgan stadion qordan tozalandi. Bu endi odatiy holat bo'lishi kerak. Ammo Toshkentdagi o'tish o'yinida bo'lgani kabi holatdan kelib chiqib aytiladigan bo'lsa, unda bu jihat ham alohida e'tiborga molik bo'lib qolgandi. Quyida hamkasbim Narzulla Saydullaev finaldagi ijobiy taraflarini keltirib, o'rinli maqtadilar. Lekin bazi kamchiliklar ham yo'q emasdi. Masalan, o'yindan oldin tashkil etilgan matbuot anjumanida internet tizimi hali media-markazga o'rnatilmagandi. Barcha joyda bo'lgani kabi final oldidan tashkil etiladigan matbuot anjumanida bosh sovrin, yani kubok anjumanlar zaliga qo'yilishi kerak edi. O'yin kuni internet, yani "WiFi" uchrashuv boshlanishi bilan deyarli ishlamay qoldi. Bu kamchiliklar bartaraf etilmagani albatta bizlarga bazi noqulayliklarni keltirib chiqardi.

Shuningdek, yana bir jihat, O'zbekiston Kubogi musobaqasi uchun yangi, alohida logotip ishlab chiqilishi kerak. O'zbekiston kubogi PFL bayrog'i ostida o'tishi baribir g'alatiroq ko'rinmoqda. Barcha davlatlarda mamlakat kubogi chempionat bayrog'i ostida o'tmaydi. Masalan Ispaniyada mamlakat kubogi La Liga bayrog'i ostida emas, balki "COPA DEL REY" logotipi ega. Yoki Germaniya Kubogi Bundesliga bayrog'i ostida o'tkazilmaydi. Bularning barchasi professionallik.
Umid qilamizki, kelasi mavsumda ushbu jihatlarga ham alohida e'tibor qaratiladi va ushbu kamchiliklar ham bartaraf etiladi.

Umumiy hisobda kechagi final o'yini tashkiliy jihatdan ancha yaxshi saviyada o'tkazildi. Buning uchun O'FF, PFL, "Dinamo" klubi va stadion mamuriyati va Samarqand shahriga alohida tashakkur.

PFL Kubogida ham, Oliy ligada ham, O'zbekiston kubogida ham PFL logosi...

Shahboz Beg'amov

Yangi logotip ishlab chiqish payti keldi...