Биринчи бўлимнинг 30-дақиқасида “Осасуна” ҳимоячиси Мойзес Гомес “Реал” ҳужумчиси Винисиус Жуниорни йиқитди, бироқ учрашув бош ҳаками Хосе Мунуэра ушбу эпизод учун жарима зарбаси белгиламади.
Ўрнидан кўтарилган бразилиялик ўйинчи ҳакамга қараб ҳақоратли сўзларни айтиб, бақирган. Мунуэра эса бу учун Винисиусни жазоламади.
Эслатиб ўтамиз, мазкур учрашувда мадридликлар ғалаба қозонди, Винисиуснинг голи эса офсайд сабабли инобатга олинмади.
