- "Navbahor" ko'p yillik jamoa. Ular Oliy ligada qolish uchun jiddiy kurashishdi. "Norin" esa Oliy ligaga chiqish vazifasini bajarmoqchi edi. Ammo bu ishni uddalay olmadik. Bugungi bahsda jamoamiz yomon harakat qilmadi. Yaxshi o'ynadik, ammo natija biz istagandek bo'lmadi. Jamoamiz o'yin tashkil etishda yaxshi harakat qildi, vaziyatlar yaratildi. Ammo hujumlarni samarali yakunlashda qiynaldik. "Navbahor" esa darvozamizni oson ishg'ol etdi.

- Darvozabon ikkita golda shubhali harakat qildi. Bunga qanday izoh berasiz?

- Xato qilganidan keyin qandaydir shubha paydo bo'ladi. Futbolda oxirgi o'yinchi darvozabon hisoblanadi. Unda bosim yuqori bo'ladi. Shu bois darvozabonimiz bugun ko'proq bosim ostida qolgandek tuyuldi. Shuning hisobiga darvozabonimiz o'zini o'nglolmadi. Birinchi liga futbolchilari bo'lganliklari uchun ham yanada ko'proq bosimda o'ynashdi.

- O'yindan oldin jamoa rahbariyat bilan yig'ilish bo'ldimi? Agarda bo'lgan bo'lsa, unda yig'ilishda qaysi masalar muhokama qilindi?

- Jamoamiz oldiga qo'yilgan vazifa Oliy ligada chiqish edi. Ammo "Navbahor" jamoasi tajriba evaziga bugungi bellashuvda g'alaba qozondi. Shu erda Oliy liga va birinchi liga tafovuti sezilib qoldi.

- O'tgan mavsum "Norin" uchun qanday o'tdi?

- Bu yilgi mavsum biz uchun yomon o'tmadi. Lekin yaxshi o'tdi deb ko'zlangan maqsadni oxirigacha etmaslik bizning futboldagi kasallik bo'lsa kerak. Agarda ko'zlangan maqsadimizga etganimizda, o'shanda yaxshi o'tdi deb bemalol aytsak bo'lardi.

- Jamoangiz bugun ko'proq 3-5-2 sxemasi harakatlandi. "Norin" har doim shu sxemada o'ynaydimi yoki faqat bugun shu uslubda o'ynadimi?

- Yo'q. Biz vaziyatdan kelib chiqib shu sxemada o'ynadik. Raqib bir kishi kam bo'lib qolgandi va biz mag'lubiyatga uchrayotgandik.

- Jamoadagi kelajagingiz haqida nima deya olasiz?

- Hozircha bu noma'lum. Kelasi mavsumda nima bo'lishini rahbariyat yig'ilish o'tkazsa gaplashib olamiz.

Vali Keldiev: "Kimdir xato qilsa qandaydir shubha paydo bo'ladi"