O'yin haqida
- To'g'risini aytganda, o'yin birinchi daqiqadanoq biz uchun og'ir o'tdi. "Sho'rtan" tarkibida tezkor va mahoratli ijrochilar bor. Vaziyatlar yaratdik va unumli foydalandik. Mezbonlar bir necha bor xavfli hujumlar tashkil etishdi.
Ikkinchi bo'limda o'zgarishlarni amalga oshirdik. Zaxiralar o'yinimizni kuchaytirdi. Hisob tenglashganidan so'ng e'tiborni hujumga qaratdik va standart vaziyatda yuzaga kelgan imkoniyatdan foydalanib gol urdik. Yaxshi o'yin bo'ldi, yigitlarni g'alaba bilan tabriklayman.
- Transfer jarayonidan ko'nglingiz to'ldimi?
- Biz transfer jarayonida kamchiliklar bor chiziqlarni to'ldirishga harakat qildik. Hujum, o'rta chiziq va albatta himoyada raqobatni shakllantirishga e'tibor qaratdik.
- Jamoangizning bugun namoyish etgan o'yini Sizni qoniqtirdimi?
- To'g'risini aytganda, natijadan qoniqdim. Biroq, o'yin borasida xato va kamchiliklarimiz bo'ldi. Ishlashimiz kerak bo'lgan jihatlarni ko'rib oldik.
