Гуруҳдаги ҳар учала ўйинда мағлуб бўлган футболчиларимиз 0 очко билан охирги ўринни банд этишди. Айтиш мумкинки, ушбу мусобақада Ўзбекистон U-18 терма жамоаси иштирок этиб, ўзидан икки ёш катталарга қарши тўп тепди.
Ўзбекистон U-18 жамоаси дастлабки икки турда Саудия Арабистони ва Тунисга имкониятни бой берганди. Кеча бўлиб ўтган учинчи баҳсда ёш футболчиларимиз Яманга қарши 1:3 ҳисобида мағлуб бўлишди.
Эслатиб ўтамиз, U-20 Араб Кубоги гуруҳ ўйинларида 16та жамоа иштирок этди:
"A" гуруҳи - Миср, Нигер Республикаси, Мавритания, Жазоир.
"B" гуруҳи - Марокаш, Тожикистон, БАА, Джибути.
"C" гуруҳи - Сенегал, Ливан, Ироқ, Комор ороллари.
"D" гуруҳи - Тунис, Яман, Саудия Арабистони, Ўзбекистон.
Барча гуруҳларда учрашувлар ўз якунига етди ва кейинги босқичга йўл олган жамоалар маълум бўлди.
1/4 финал жуфтликлари:
29 июнь. Миср - Тожикистон
29 июнь. Марокаш - Жазоир
30 июнь. Сенегал - Саудия Арабистони
30 июнь. Тунис - Комор ороллари
