Biz Saudiya Arabistoni darvozaboni Talal Solih Alshahri bilan uchrashib undan Livanga qarshi o'yin oldidan intervyu oldik.

- O'zbekiston terma jamoasiga qarshi o'yinda xatolarga yo'l qo'ydinglar. Ushbu xatolardan xulosa chiqardinglarmi?
- O'zbekiston terma jamoasiga qarshi birinchi o'yinni o'tkazdik. Ushbu terma jamoaga va maydonga ko'nikish biroz qiyin bo'ldi. Ushbu o'yindan etarlicha hulosa chiqardik, Livanga qarshi o'yin boshqacha bo'ladi. Chunki biz ularni yaxshi bilamiz ular esa bizni. O'ylaymanki Livanga qarshi o'yin O'zbekiston terma jamoasiga qarshi ko'rsatgan o'yinimizdan ancha farq qiladi.

- O'zbekiston terma jamoasi haqida qanday fikrdasiz?
- O'zbekiston futzal terma jamoasi juda kuchli. Ushbu terma jamoa anchadan beri yirik musobaqalarda ishtiror etib kelmoqda. Halqaro maydondagi tajribalari etarli. O'yin amaliyoti juda katta. O'zbekiston terma jamoasi o'z uyida o'ynayapti. Ular o'z uylarida muxlislari ko'z o'ygida harakat qilishmoqda.

- Bugun Livanga qarshi o'yin haqida qanday fikr bildirasiz?
- Saudiya Arabistoni ham Livan ham bir joydan kelgan. Bugungi o'yin juda qiziqarli bo'ladi deb o'ylayman. Raqibimiz futzalchilari juda kuchli. Bizda esa taktika va tezlik bo'yicha mahoratli futzalchilarimiz bor. Bu o'yinda g'alaba qozonishimizga ishonaman.

- Bugun keyingi bosqichka chiqishinglar yoki guruhda qolib ketishinglar oydinlashadi. Ushbu o'yinga ruhan tayyormisizlar?
- O'zbekistonga qarshi bo'lib o'tgan o'yindan oldin futzalchilarimiz ham ruhan ham jismonan tayyor edi. Lekin o'yin davomida yo'l qo'yilgan xatolar tufayli mag'lubiyatga uchradik. Nafaqat Livan terma jamoasiga qarshi o'yinga, balki barcha oldindagi o'yinlarga Saudiya Arabistoni hamma tomonlama tayyor. Bugungi o'yinda o'zingiz guvohi bo'lasiz.

- Yurtimiz sizga yodimi?
- O'zbekistonga tashrif buyurganimdan xursandman. Poytaxtingiz Toshkent shahri menga juda yoqdi. O'zbek halqi juda ham xush muomala ekan.

Jahonir Sotvoldiev suhbatlashdi.

Talal Solih Al Shahri: “Livanga qarshi boshqacha o'yin namoyish etamiz”