Unga ko'ra, agarda klub 29 mart kuniga qadar futbolchilar oldidagi qarzini yopmasa, Pro-ligaga tushirib yuborilishi mumkin. Klub bu borada rasmiy munosabat bilan chiqdi.

"O'zPFLning 2023 yil 25 martdagi 01/107-sonli xatiga asosan O'zbekiston Respublikasi Vazirlar Mahkamasining 2023 yil 6 yanvardagi "PFK Surxon" masuliyatli cheklangan jamiyati ustav fondidagi davlat ulushi "FC Surkhan" masuliyatli cheklangan jamiyatiga sotish to'g'risida"gi 4-son qaroriga muvofiq Surxondaryo viloyat hokimligi zimmasiga o'tgan davrdagi faoliyati yuzasidan audit o'tkazilgan.

Surxondaryo viloyati hokimligi mazkur qaror ijrosini bajarishga kirishgan va "Surxon" FKning moliyaviy-xo'jalik faoliyati o'rganildi. Joriy yil davomida klub qarzlarning katta qismini yopish bo'yicha katta ishlarni amalga oshirildi.

“Surxon” Professional futbol klubi o'z tarixida yangi sahifa ochish va mamlakatning oliy divizionida o'ynash uchun barcha asoslarga ega. Ayni paytda, "Surxon" rahbariyati klubning moddiy-texnik bazasini rivojlantirish, hamda Termizdagi stadionni rekonstrukciya qilishni o'z zimmalariga olishdi.

Yangi rahbariyatning maqsadi – Termizdagi stadionni rekonstrukciya ishlarni qilish, Termiz shahrida futbol akademiyasi, shuningdek, qarorgohni qurish. Surxondaryo viloyatida yoshlar futbolini rivojlantirish uchun qulay shart-sharoitlar yaratish hamda “Surxon” PFK asosiy jamoasiga tarbiyalanuvchilarni faol jalb etish", - deb yoziladi klub matbuot xizmati xabarida.

"Surxon" rasmiy bayonot bilan chiqdi: "Klub Superligada ishtirok etish uchun barcha asoslarga ega"