Bu haqda Serbiya nashrlari ma'lum qilmoqda. Xususan futbolchiga Indoneziya, Vetnam, BAA va Qatar klublaridan qiziqish yuqori. Biroq Stanisavlevich yozgi transfer oynasida jamoasini almashtirmoqchi emas. Unga O'zbekistonda faoliyat yuritish maqul kelgan va mavsum o'rtasida "Qizilqum" jamoasini tashlab ketmoqchi emas.
Uning shartnomasi yil oxirigacha mo'ljallangan.
Ma'lumot uchun, Aleksandar Stanisavlevich Superliganing birinchi davrasidagi 13ta o'yinda 5ta gol va 8ta golli uzatma, umumiy hisobda 13ta samarali harakatni amalga oshirgan. Futbolchi bu borada O'zbekiston chempionatida yaqqol peshqadamlik qilmoqda.
