Championat.asia o'tkazilgan bahslar asosida tur laureatlarini aniqladi.

Chempionlik uchun kurashayotgan Namanganning "Navbahor" jamoasi bu tur Bekobodda mehmon bo'ldi. O'yin davomida "Metallurg" raqib darvozasi tomon ko'plab zarba berdi ammo gol ura olmadi, bunga "lochinlar" posboni O'tkir Yusupov "aybdor". "Navbahor" darvozaboni O'tkir Yusupov Championat.asia sayti talqiniga ko'ra, 25-turning eng yaxshi darvozaboni deb topildi.

Bu turda "Bunyodkor" yarim himoyachisi Umarali Rahmonaliev "Qo'qon-1912"ga qarshi bahsda jarima maydonchasi tashqarisidan chiroyli gol urdi va tur goliga mualliflik qildi. VIDEO

Chempionlik uchun kurashayotgan "Nasaf" o'z maydonida "Neftchi"ni qabul qildi. Shu o'yingacha peshqadamlik qilayotgan "ajdarlar"ni faqat g'alaba qoniqtirardi. "Neftchi" esa uchrashuvdan avval ligada qolish vazifasini uddalab bo'lgandi. Shunga qaramay farg'onaliklar safarda g'alabaga erishishdi va "Nasaf"ni uchinchi o'ringa tushirib yuborishdi. Musobaqa jadvali tomonidan olib qaraganda o'zi uchun keraksiz bo'lgan bahsda g'alabaga erisha olgani uchun, Championat.asia sayti talqiniga ko'ra, Vitaliy Levchenko 25-turning eng yaxshi murabbiyi deya etirof etildi.

Qarshidagi bahsda "Neftchi"ning o'yinini boshqargan futbolchi tajribali Lutfulla To'raev bo'ldi. Aynan u raqib hujumlarini to'xtatish va o'z jamoasining hujumini boshlashda faol bo'ldi. Yakunda "Neftchi" Qarshidan 3 ochko bilan qaytdi. Shu bois, Lutfulla To'raev Championat.asia talqiniga ko'ra 25-turning eng yaxshi futbolchisi deb topildi.

O'zbekiston chempionati turnir jadvali va to'purarlar ro'yxati >>>>> Superliga

Superliga-2022. 25-turning eng yaxshilari