Bu haqda saytimiz xodimi Shahboz Beg'amov malum qildi.

Jizzaxning "So'g'diyona" klubi "Nasaf" hujumchisi Dragan Cheranning xizmatlariga qiziqish bildirmoqda. Aftidan "So'g'diyona" jamoasi davralar oralig'ida o'z tarkibini keskin kuchaytirishni rejalashtirgan ko'rinadi. "So'g'diyona" klubi transfer oynasi ochilganidan so'ng Cheranning transferini "Nasaf"dan sotib olishi mumkin. Shuningdek, jizzaxliklar "Nasaf" yarim himoyachisi Aziz G'anievni ham sotib olishni xohlashmoqda.

Ayni paytda "Nasaf"da moliyaviy muammolar paydo bo'lgan. Bu esa Superliga klublarining "Nasaf" futbolchilariga bo'lgan ishtahasini ochib yuborgan. "Nasaf" agarda vaziyat o'nglanmasa, unda davralar oralig'ida futbolchilarining transferi orqali pul ishlab olishi mumkin.

Dragan Cheranning xizmatlariga "So'g'diyona"dan tashqari "Navbahor" hamda "Paxtakor" klublari ham qiziqish bildirishmoqda. Tasdiqlanmagan malumotlarga ko'ra, "Navbahor" va "Paxtakor" ham Cheranning transfer huquqini davralar oralig'ida sotib olishni rejalashtirishgan.

"Paxtakor" klubi Cherandan tashqari Aziz G'aniev, Odil Hamrobekov hamda Bobir Abdixoliqovga ham befarq emas. Ushbu jamoaning transfer short-listida aynan shu uchala futbolchilarning nomi o'rin olgan.

Malumot uchun, Superliga transfer oynasi 15-turdan keyin rasman ochiladi.

"So'g'diyona", "Navbahor" va "Paxtakor" "Nasaf" etakchisini sotib olmoqchi