Жиззахнинг "Сўғдиёна" жамоаси ёзги ўқув-машғулот йиғинларини Туркиянинг Истанбул шаҳрида ўтказишни режа қилган. Иван Бошкович бошчилигидаги жамоа аъзолари у ерда иккинчи даврага тайёргарлик олиб боради ва бир нечта назорат учрашувларида майдонга тушади.
Маълумот учун, "Сўғдиёна" биринчи даврадан сўнг турнир жадвалида 23 очко билан 3-ўринда кетмоқда. Бундан ташқари Ўзбекистон кубоги нимчорак финалида "Нефтчи"ни таслим қилди ва чорак финалга йўл олди.
