Мураббийнинг тасдиқлашича, Лионель Месси Замбия билан баҳсда ўйинни илк дақиқалардан бошлайди. Эслатиб ўтамиз, аввалги Мавританияга қарши баҳсда (2:1) юлдузли ҳужумчи фақат бир бўлим ўйнаган эди. Бу галги таркибдаги ўзгаришлар бошқа футболчиларга ҳам имконият бериш мақсадида амалга оширилмоқда.
Шунингдек, Скалони бўлажак Жаҳон чемпионати учун кенгайтирилган таркиб ҳақида ҳам тўхталди: "Биз аллақачон 55 кишилик рўйхатни Аргентина футбол ассоциациясига топширдик. Футболчиларни кўрсатаётган ўйинларига қараб саралаб борамиз. Якуний қарор эса энг охирида қабул қилинади".
Маълумот учун, Аргентина ва Замбия ўртасидаги учрашув 1 апрелга ўтар кечаси бўлиб ўтади.
