Люк Шоу уни "Олд Траффорд" яна 4 йил қолишини кафолатлайдиган янги битимга имзо чекди. Бу унинг ажойиб мавсумни ўтказаётганига мукофот тариқасида тақдим этилди.
2014 йилда "Саутгемптон"дан "қизил иблислар" сафига қўшилган футболчи шундан буён жами 249 та ўйин ўтказди. Агар у янги битимга имзо чекмаганида 2024 йил ёзида эркин агентга айланарди. Чап қанот ҳимоячиси Эрик тен Ҳаг жамоасининг асосий ўйинчиларидан бири бўлиб, яхши мавсум ўтказмоқда. Футболчининг ўзи бу борада фикрлари билан ўртоқлашди:
"Тўққиз йил олдин мен ушбу ажойиб клуб билан шартнома имзолаган эдим. Мен уни узайтирганимдан ва бу ердам қолишимдан жуда хурсандман. Шу йиллар давомида ҳам инсон, ҳам футболчи сифатида катта ўсишга эришдим. Мен бундай даражадаги клубда муваффақият қозониш учун нималар кераклигини яхши биламан.
Биз мураббий ва унинг штабби қўл остида ҳали саёҳатимизнинг бошида турибмиз".
