"G'alaba bilan mezbonlarni tabriklayman. Hamisha "Nasaf" bilan o'yinlar qiziq kechadi. Bu erda yaxshi maydon, ajoyib muhit bor. Muxlislar futbolni yaxshi ko'radi. Yaxshi o'yin bo'ldi. Himoyada ko'p xatolarga yo'l qo'ydik. Biz bir necha vaziyatlarni yuzaga keltirdik, ammo ulardan foydalana olmadik. Zarbalarni noaniq yo'lladik. Raqibdan barcha yaxshi harakat qildi, faqat darvozaga aniq zarba berishda muammolar bo'ldi. Chempionlikka erishib bo'lganimiz "Nasaf"ning harakatlariga soya solmaydi. Ular juda yaxshi o'ynashdi. Oldinda bizni Kubok bahslari kutmoqda. O'zimiz qatnashayotgan musobaqalarda g'olib chiqishga intilamiz. O'zbekiston Kubogida mavsum mobaynida o'zimiz ko'rsatgandek chiroyli va sifatli futbol namoyish qilishga urinamiz. "Nasaf" ham chempionlik yo'lida qo'lidan kelganicha harakat qildi. Ularda bugun biroz xohish yuqori bo'ldi deya olaman. Maydonga chiqishdi va o'z ishlarini bajargan holda g'alaba qozonishdi. Raqib jamoa murabbiyni, muxlislarini g'alaba bilan tabriklayman", - deydi Arveladze.

- Kubokda ham g'olib chiqib "oltin dubl" rasmiylashtirishga ishonasizmi?
- Biz o'zimiz ishtirok etadigan har bir turnirda g'olib chiqishni istaymiz. Gohida bu yo'lda bizga raqiblar to'g'anoq bo'ladi.

- Ijtimoiy tarmoqlarda sizga kuchli klublar qiziqayotgani haqida o'qidik. Keyingi mavsumni ham "Paxtakor"da ishlaysizmi?
- Hozirda bu masalani muhokama qilishning vaqti emas. Oldinda yana o'yinlar bor. Kubok musobaqasi kutmoqda. Shartnomam yakunlangach barchasiga oydinlik kiritib olamiz.

Shota Arveladze: "Nasaf" juda yaxshi o'ynadi"