Keskin kurashlarga boy bo'lgan bellashuvda "Sho'rtan" 3:2 hisobida g'alaba qozondi va ketma-ket ikkinchi bor Qashqadaryo viloyati hokimi kubogini qo'lga kiritdi.
Uchrashuvda g'uzorliklar gollariga Jasur Xolto'raev, Mirjalol Jumaev, Muhriddin Zoirov mualliflik qilishdi.
Qashqadaryo viloyati hokimi kubogi musobaqasida uchinchi o'rin uchun kurashgan “Sho'rtan” U-19 jamoasi "Nasaf" U-21 jamoasiga 1:5 hisobida imkoniyatni boy berdi va turnirning to'rtinchi o'rnini egalladi.
Foto: Abdulla Doniyorov
Viloyat hokimi kubogi musobaqasidagi ishtirokidan so'ng "Sho'rtan" kichik tatilga chiqdi. Jamoa 21 fevral kuni G'uzorda yig'ilib, mavsumga tayyorgarlikni davom ettiradi.
