Sherzod Qosimov OFK Kubogi uchrashuvida ishlaydi

Narzulla Saydullayev
23 mar 2017, 11:36
Osiyo futbol konfederatsiyasi OFK Kubogi–2017 turniri “B” guruhi 4-turidan o'rin olgan “Safa” (Livan) – “Al-Hidd” (Bahrayn) o'rtasidagi uchrashuvga rasmiylarni tayinladi.

Uchrashuv bosh hakami sifatida o'zbekistonlik FIFA referisi Sherzod Qosimov ishlaydi. Unga qanotlarda Ruslan Serazitdinov va Timur Gaynullin yordam beradi. To'rtinchi hakam vazifasini Dmitriy Pislegin bajaradi.

Uchrashuv komissari – Pairit Tanpairi (Tayland). Hakamlar nazoratchisi etib iroqlik Kadhum Auda Lazim al-Saidi tayinlandi.

Ma'lumot o'rnida, “Safa” – “Al-Hidd” bellashuvi 3 aprel, dushanba kuni Livan poytaxti Beyrut shahrida bo'lib o'tadi.



Narzulla SaydullayevMuallif
Manba: the-uff.com