O'yin haqida

- Avvalo, barchani g'alaba bilan tabriklayman. Jamoa rahbariyati, futbolchilari va albatta, jonkuyar muxlislariga g'alaba muborak bo'lsin. Juda qiyin g'alaba. Sababi, "Olimpik" juda yaxshi shakllangan jamoa hisoblanadi. Raqibning murabbiylar shtabini esa alohida etirof etish kerak. Bu kabi raqiblarga qarshi doim qiyin bo'lgan. Birinchi bo'limda bizga qanchalik qiyin bo'lganini ko'rdingiz. Ikkinchi bo'limda esa o'yin butkul o'zgardi. Himoya chizig'imizni biroz yuqoriroq joylashtirganimizdan so'ng shunday bo'ldi. Agressivroq o'ynashni boshladik. Raqib darvozasi yonida vaziyatlar yaratdik. Muxlislarga yana bir bor rahmat aytaman.

- Shamsiev va Sultonmurodovning hozirgi paytdagi holati qanday?

- Ular juda iqtidorli futbolchilar sanalishadi. Afsuski, ular hozirda jarohatda. Shamsievning jarohati jiddiy va biz tiklanish muddati katta bo'lishini tahmin qilmoqdamiz. Sultonmurodovning vaziyati esa biroz yaxshiroq. Bir necha oydan so'ng Shohjaxon safga qaytsa kerak.

- "Surxon" bu mavsum ko'proq yoshlarga etibor qaratdi. Aynan shu siyosat keyingi yil ham saqlanib qoladimi? Bu narsa jamoaning moliyaviy ahvoli bilan bog'liqmi yoki rahbariyat tomonidan aynan shunday vazifa qo'yilganmi?

- Bu narsani jamoaning moliyaviy ahvoliga bog'lamagan bo'lardim. Surxon"ning falsafasi yosh futbolchilarni rivojlantirishga asoslangan. Biz yoshlar uchun tom manoda tramplin vazifasini o'tab beramiz. Iqtidorli o'yinchilar nafaqat O'zbekiston chempionatida, balki xorijda ham o'zlarini ko'rsatishlari uchun aynan biz yordam beramiz.

- O'zPFL yaqinda sof o'yin vaqtlarini taqdim qildi. Bu ko'rsatkichga sizning munosabatingiz qanday? Sizlarda sof o'yin vaqti bo'yicha vaziyat qanday?

- Albatta, to'p maydonni tark etganda bu o'yin ritmiga yomon tasir qiladi. Oldingi savolda takidlaganimdek, yosh futbolchilar bilan ishlash – jamoamiz falsafasi. Biz hech qachon yosh futbolchilarga o'yin ritmini tushirish yoki sof o'yin vaqtini kamaytirishni o'rgatmaymiz. Aksincha, biz ularga to'pni ko'proq maydonda saqlab qolishni uqtiramiz. Biz aynan shu masalalar bo'yicha mashg'ulotlarda ishlaymiz. Umuman olganda, etiborimiz aynan shu kabi holatlarga qaratiladi. Falsafamizdan chekinmaymiz va har bir bolakayga maydonda imkoniyat berishda davom etamiz.

- Keyingi mavsumga rejalar qanday?

- Ha, rejalar bor, ammo hozir men bu haqda gapira olmayman. Bu klubning ichki masalasi hisoblanadi. Qachondir albatta rejalarimiz haqida gapirib o'tamiz.

Sergey Arslanov: "Surxon"ning falsafasi yosh futbolchilarni rivojlantirishga asoslangan"