Учрашувнинг кулминацион вазиятларидан бири ўйиннинг сўнгги қисмида юз берди.
2:1 ҳисобида мағлубиятга учраётган меҳмонлар 90+5 дақиқада бурчак зарбасини амалга ошириш имкониятига эга бўлишди ва шу боис жамоа дарвозабони Мустафо Малайека ҳам вақт оз қолгани боис рақиб жарима майдони ичига югуриб келди. Жамоадошининг узатган тўпини эса Мустафо бош билан майдон эгалари дарвозасига тўғрилаб юборди ҳамда “Ал Файсалий”ни мағлубиятдан қутқарди.
