Turning markaziy o'yini maqomini olgan oqshomda Qarshida "Navbahor" "Nasaf" mehmoni bo'ladi. Uchrashuv boshlanishiga hali vaqt bor, demak sizda ham bir piyola choy ustida o'yinga bag'ishlangan prevyuni ham mutolaa qilish imkoniyati ham mavjud.

O'zaro o'yinlar

Jamoalar Superligada shu vaqtgacha 52 marotaba to'qnash kelishgan. Katta ustunlik "Nasaf" tomonida, 22 g'alaba. 16ta uchrashuvda tomonlar murosa ko'chasini tanlagan bo'lsa, 14ta o'yinda "Navbahor"ning qo'li baland kelgan. To'plar nisbati 79-67, mezbonlar foydasiga. Eng yirik hisob ikki klubda ham 6:0. Umuman so'nggi yillarda "Navbahor"ning kuchayishi jamoalar o'rtasidagi raqobatga, intrigani oshishiga olib keldi. O'yinlar murosasiz o'tishini taminladi. Deylik o'zaro so'nggi 5ta uchrashuvning 3tasida 0:0 hisobi qayd etilgan.

Berdievning "kalitlari" "Navbahor" darvozasini ocha olmayapti

"Nasaf" 2017 yildan beri chempionat doirasida "Navbahor"ni mag'lubiyatga uchrata olmayapti (4:0). Shundan so'ng "lochinlar"da 6 marotaba murabbiy o'zgardi. G'alabasiz seriya 11ta uchrashuvni tashkil qilmoqda. Bunday holat 2017 yilgacha faqat bir marotaba kuzatilgan, u ham bo'lsa 4ta uchrashuvni tashkil qilgan (1998, 1999 yilgi mavsum) Yana bir fakt shuki, Ro'ziqul Berdiev 5ta uchrashuvdan buyon raqib darvozasini ocha olayotgani yo'q. Uning qo'lidagi kalitlarning hech biri ish bermayapti. Bugun maydon egalarida bu vazifani Husniddin Aliqulov bajaradi. Standart vaziyatlar, yuqoridan keladigan uzatmalarda Aliqulovda imkoniyatlar bo'ladi. "Nasaf" esa raqibidagi asosiy "mator" Jamshid Iskanderovni yopish orqali butun boshli "Navbahor" o'yinini to'xtatgan bo'lishadi. Unga erkin harakat qilishga qo'yib berdingizmi, tamom.

02.08.2022. "Nasaf" - "Navbahor" 0:1

03.03.2022. "Navbahor" - "Nasaf" 0:0

29.08.2021. "Nasaf" - "Navbahor" 0:1

19.03.2021. "Navbahor" - "Nasaf" 0:0

26.09.2020. "Navbahor" - "Nasaf" 0:0

"Navbahor" va Babayan uchun uchinchi imtixon

Hozircha Samvel Babayan ikki bor mehmonda kuch sinashdi va ikkisida ham jiddiy raqiblariga uch ochkoni sovg'a qilib keldi. Bugun uning jamoasi uchun uchinchi imtixon. Chempionlik uchun kurashayotgan klub raqobatchilarini yutishi shart. Jamoa safarda faqatgina austayder "Turon"dan ustun keldi, xolos. Uyda esa ularga etadigani yo'q, so'zsiz chempion. Namanganda "lochinlar"ning parvozi muvaffaqiyatli chiqayotganini aytish joiz. Natijalar: 4ta o'yin 4ta g'alaba, to'plar nisbati 10:0, 12 ochko. Ortiqcha gap so'zsiz yuz foizlik ko'rsatkich. "Nasaf" bu mavsum uyda faqatgina "Andijon"ga mag'lub bo'ldi. Hozircha "ajdarlar" ikki yo'lda (so'nggi 4ta o'yin 2tasi durang, 2tasi g'alaba) yurishni birgalikda davom ettirmoqda.

So'nggi uchrashuv

"Nasaf" - "Navbahor" - 0:1

2 avgust 2022 yil. Qarshi. "Markaziy" stadioni. 20:00

Hakamlar: Vadim Agishev, Obid Jumaev, Jasur Rustamov, Shuhrat Rajabov

VAR hakami: Akobir Shukrullaev

Nazoratchi: Baxtiyor Namozov

Gol: Asadbek Sobirjonov 7, - 0:1. VIDEO

"Nasaf": 35.Abduvohid Nematov, 4.Husniddin Aliqulov, 7.Sharof Muhitdinov (18.Bahrom Abdurahimov, 62), 9.Ivan Solovyov (14.Alen Masovich, 62), 10.Husayn Norchaev, 22.Akmal Mozgovoy, 34.Sherzod Nasrullaev (2.Alibek Davronov, 77), 77.Oybek Bozorov (17.Suhrob Nurulloev, 77), 88.Marko Stanoevich (19.Mateus Lima, 77), 92.Umar Eshmurodov.

Zaxira: 1.Umidjon Ergashev, 5.G'olib G'aybullaev, 6.Murodbek Rahmatov, 23.Sardor Sadullaev.

"Navbahor": 1.O'tkir Yusupov, 4.Boyan Ciger, 6.Rustam Ashurmatov, 10.Jamshid Iskanderov, 14.Jamshid Boltaboev, 17.Diyor Turopov (20.Doniyor Abdumannopov, 75), 22.Igor Golban, 23.Yovan Jokich, 24.Davron Hoshimov, 32.Zoran Marushich (11.Jasur Yaxshiboev, 67), 77.Asadbek Sobirjonov (30.Aleksandr Kasyan, 82).

Zaxira: 35.Rahimjon Davronov, 7.Azim Ahmedov, 8.Mirlan Murzaev, 9.Vladimir Kozak, 19.Nurillo To'xtasinov, 28.Stanislav Andreev, .

Ogohlantirishlar: Oybek Bozorov 28, Ivan Solovyov 39, Igor Golban 41, Umar Eshmurodov 41, Marko Stanoevich 76,

Ro'ziqul Berdievning "kalitlari" "Navbahor" darvozasini bu safar ocha oladimi yoxud Babayan uchun uchinchi imtixon