Faoliyatining aksariyat qismini Toshkentning “Lokomotiv” jamoasida o'tkazgan, 2016 yil ushbu jamoa bilan O'zbekiston chempioni bo'lgan, 2014 – 2016 yillarda O'zbekiston kubogi g'olibligiga erishgan, 2014 yildan 2016 yilgancha, ketma – ket uch yil chempionat kumush medallarini qo'lga kiritgan, qolaversa 2012 yilda bir bora O'zbekiston chempionatida bronza medalini o'ziniki qilgan, 2013 yilda Turkiyada bo'lgan yoshlar o'rtasidagi jaxon chempionatida terma jamoamizning kuchli 8 jamoa qatoriga kirishiga o'zining xissasini qo'shgan, tajribali himoyachi Boburbek Yo'ldoshev yangi mavsumni “Qizilqum” jamoasi libosida boshlaydi.
Boburbek Yo'ldoshev xaqida qisqacha ma'lumot:
Ismi sharifi: Bobur Yo'ldoshev
Tug'ilgan joyi: Farg'ona, O'zbekiston
Tug'ilgan sana: 08.04.1993. y
Millati: o'zbek
Amplua: himoyachi
Futbolchining to'p tepgan jamoalari: “Lokomotiv” (Toshkent), “Neftchi” (Farg'ona), AGMK (Olmaliq)
Eslatib o'tamiz, 4 yanvar kuni saytimizda Insayder: "Bobur Yo'ldoshev "Qizilqum" bilan kelishib bo'ldi" nomli xabar chiqqandi.
Shuningdek, “Mashal” akademiyasi tarbiyalanuvchisi, 2017 va 2018 yillarda Toshkentning “Lokomotiv” jamoasi tarkibida O'zbekiston chempionatida chempion bo'lgan, 2013 – 2014 yillarda esa O'zbekiston chempionatida bronza medaliga ega chiqqan, 2013 yilda O'zbekiston kubogi finaliga chiqib kumush medalini qo'lga kiritgan. Qarshining “Nasaf”, Muborakning “Mashal” hamda Toshkentning “Lokomotiv” jamoasida faoliyat yuritgan Shuhrat Muhammadiev 2022 yilgi mavsumda “Qizilqum” jamoasi sharafini himoya qiladi.
Shuhrat Muhammadiev xaqida qisqacha ma'lumot:
Ismi sharifi : Shuhrat Muhammadiev
To'g'ilgan sana: 29.06.1989. y
Tug'ilgan joyi: Shahrisabz, Qashqadaryo viloyati, O'zbekiston
Millati: O'zbek
Amplua: Himoyachi
Shuhrat Muhammadiev to'p tepgan jamoalar: “Mashal”, “Nasaf” , “Lokomotiv”
Bir necha kun oldin championat.asia Muhammadievning "Qizilqum"ga o'tayotgani haqida xabar bergandi.
