Ulardan biri belaruslik legioner Nikolay Ivanovdir. Championat.asia sayti uning "temiryo'lchi"ga aylanayotgani haqida 22 dekabr kuni yozgandi.
O'tgan mavsumda Belarus chempionatida bronza medallariga ega chiqqan 25 yoshli yarim himoyachi Nikolay Ivanov jamoa a'zosiga aylandi.
Belarusning "Slaviya" jamoasi tarkibida 31 o'yinda 7 tadan gol va assist qayd etgan markaziy yarim himoyachi, shuningdek, chempionatda vaziyat yaratish bo'yicha (36 golli vaziyat) 5-o'rinda bo'lgan Nikolay Ivanov yangi mavsumni "Lokomotiv" tarkibida o'tkazadi.
Qizig'i shundaki, Nikolay Ivanov Rossiya futboli tarixida eng tezkor gol muallifi hisoblanadi. U 2024 yilda "Mashuk" jamoasi tarkibida "Ximki" darvozasini 4-soniyadayoq ishg'ol qilgan.
Bundan tashqari, "temiryo'lchilar" quyidagi 2 futbolchi transferini ham e'lon qildi.
27 yoshli futbolchi Suhrob Nurulloev "Lokomotiv" futbolchisiga aylandi.
"Lokomotiv" o'tgan mavsumda "Nasaf" tarkibida 24 o'yinda qatnashib, 2 gol muallifiga aylangan o'ng qanot vingeri bilan shartnoma imzoladi.
Superliganing yangi mavsumiga jiddiy hozirlik qilayotgan "Lokomotiv" tarkibiga 21 yoshli himoyachi Sunnatilla Poyonovni qo'shib oldi.
Yakunlangan mavsumda "Surxon" tarkibida 24 o'yinda qatnashib, 1 bora raqiblari darvozasini ishg'ol qilgan himoyachi yangi mavsumda "Lokomotiv" sharafini himoya qiladi. U O'zbekiston U-20 termasida 4 uchrashuvda ishtirok etgan.
