Xorvatiyalik yosh himoyachi Yoshko Gvardiol kelasi yozda "RB Leyptsig"da to'p tepadi.
Nemis klubi 18 yoshli futbolchining transferini Zagrebning "Dinamo"si bilan kelishib oldi, futbolchi ushbu mavsumni Xorvatiyada o'tkazadi.
U 2021 yil 1 iyulda "Leyptsig" safiga qo'shiladi. Uning shartnomasi 2026 yilgacha amal qiladi.
Kicker ma'lumotlariga ko'ra, nemislar Gvardiol uchun 16 million evro to'lashadi. Shuningdek, shartnomaga turli bonuslar ham kiritilgan.
Oldinroq himoyachi 20 million evro evaziga "Lids"ga o'tishga yaqin turgani haqida xabar berilgandi.