Uchrashuv minimal hisobda mezbonlar foydasiga yakunlandi. O'yindagi yagona golni "Tobol"ning o'zbekistonlik hujumchisi Igor Sergeev urdi. Terma jamoamiz a'zosi 67 daqiqa maydonda harakat qildi. Qolaversa, birinchi bo'limga qo'shib berilgan daqiqalarda mezbonlarning serbiyalik legioneri Zoran Toshich penaltini aniq amalga oshira olmadi.
"Tobol" mazkur g'alabadan so'ng 21 ochko bilan chempionat turnir jadvalida 4-o'rinni egallab turibdi. "Kaspiy Aktau" esa 22 ochko bilan 2-pog'onani band etgan.
