FIFAning nizolarni hal qilish palatasi Simonovskining tovon pulini to'lash hamda berilmagan mukofot pullarini undirish talabini qanoatlantirdi.
"Qizilqum" Simonovskiga to'laydigan pul miqdori ma'lum emas, ammo "Championat.asia" ma'lumotiga ko'ra, gap "yaxshigina mablag'" haqida ketmoqda, chunki Markoning navoiyliklar bilan shartnomasi 2024 yilning oxirigacha tuzilgan edi. "Qizilqum" Simonovskiga beradigan pullarini 23 maygacha to'lashi (qarordan so'ng 45 kun ichida) kerak.
Marko Simonovski o'tgan yilning yozida "Qizilqum"ga o'tgan edi. 32 yoshli shimoliy makedoniyalik forvard bu vaqt ichida 8ta uchrashuvda ishtirok etdi.
