Franciya klubining etirozi uchrashuv bosh hakami Deniz Aytekinga bog'liq. Ispan grandi birinchi bahsda to'rtta gol o'tkazib yubordi, ikkinchisida esa 6:1 hisobida g'alabaga erishib, chorak finalga chiqdi. Parijliklarning fikricha, Aytekin uchrashuv natijasiga tasir ko'rsatgan.

Franciyaliklar UEFAga quyidagi vaziyatlar borasida etiroz bildirishdi:

1.PSJdagilarning fikricha, Xaver Maskerano qo'l bilan o'ynagani uchun hakam raqib darvozasiga penalti belgilamagan.

2. Pike Kavaniga qarshi ishlatgan qo'polligi uchun unga ikkinchi sariq kartochka ko'rsatilishi kerak edi.

3. Neymar va Mene o'rtasidagi to'p uchun kurashda hakam PSJ darvozasiga penalti belgilamasligi kerak edi.

4. Hisob 3:1 paytida Neymar Markinosni ortidan oyog'iga zarba berdi. Aytekin bu vaziyatda Neymarni sariq kartochka bilan jazoladi. PSJdagilarning fikricha, bu holatda braziliyalik chetlatiligi kerak edi.

5. "Barselona" hujumchisi Luis Suares Veratti bilan to'p uchun kurashda simulyaciya ishlatdi va raqib jarima maydonchasi ichida yiqilib oldi. O'sha vaziyatda hakam Suaresga sariq kartochka ko'rsatgan.

6. 78-daqiqada Pike o'z jarima maydonchasi ichida to'pni qo'l bilan o'ynagani uchun "Barselona" darvozasiga penalti belgilanishi kerak edi.

7. "Barselona" himoyachisi Xaver Maskerano o'z jarima maydonchasi ichida Anxel Di Mariyaga nisbatan qo'pollik ishlatgan. Uchrashuvdan so'ng Maskerano hamyurtiga nisbatan qoida buzganini tan oldi.

8. Hakam Suaresga nisbatan ishlatilgan qo'pollik uchun penalti belgilab xato qilgan. Aslida qo'pollik bo'lmagan edi.

PSJ UEFAga "Barselona"ga qarshi uchrashuv borasida sakkiz banddan iborat bo'lgan ariza topshirdi