Unda muxlislar bir qator qiziqarli bahslarga guvoh bo'ldi deyish mumkin. “B” guruhidagi o'yinlarda faqat mezbon jamoalar g'alaba qozonganini etirof etmoq lozim.

Leonid Senkevich boshqaruvidagi “Lokomotiv-BFK” jamoasi hamon g'alaba nima ekanligini bilmay kelmoqda. “B” guruhi peshqadami “Zomin” esa 1-o'rinni hech kim bermasdan kelmoqda. Buxoroning “G'ijduvon” jamoasi uning ortidan quvishda davom etmoqda.

Samarqandning “Sherdor” jamoasi ushbu turda “Iftixor” ustidan irodali g'alabaga erishganini aytish mumkin. Oltiariqliklar ikki bor hisobda oldinga chiqib yakunda g'alabani qo'ldan boy berdi.

10-turning to'rtta o'yinida jami 13ta gol qayd etildi. Bu har bir bahsga o'rtacha 3tadan gol demakdir.

Eng ko'p gol urgan jamoa “G'ijduvon” va “Sherdor” bo'ldi.

“Zomin” hamda “Nurafshon” jamoalari esa ushbu turda o'z darvozasi dahlsizligini saqlab qoldi.

Ushbu turda mezbonlar tomonidan kiritilgan gollari soni 10tani tashkil etgan bo'lsa, qolgan 3ta to'p mehmonlar hisobiga yozildi.

Uchrashuvlarning birinchi bo'limida muxlislar 7ta golga guvoh bo'ldi. Ikkinchi taymda esa darvozalarga yana 6ta to'p kiritildi.

10-turning eng tezkor goli 8-daqiqaga to'g'ri keldi. Ahamiyatlisi “A” guruhida ham tezkor gol ham aynan 8-daqiqada kiritilgandi. “Iftixor”ning iqtidorlis hujumchisi Ilhom Aliboev safarda “Sherdor” darvozasiga birinchi bo'lib to'p kiritib, hisobni ochishga muvaffaq bo'ldi. Biroq Aliboevning jamoasi yakunda mag'lub bo'ldi.

Aksincha 10-turning eng so'nggi daqiqasida kiritilgan gol 90+1-daqiqada sodir bo'ldi. Bu ham “Sherdor” – “Iftixor” o'yinida yuz berdi. Mezbonlarning to'purar hujumchisi Fahriddin Alimov uchrashuvning qo'shimcha daqiqalarida mehmonlar darvozasiga to'p kiritib, jamoasiga irodali g'alaba keltirdi.

Ushbu turda 4ta futbolchi dublga erishdi. Shoxjahon Abbosov (“Zomin”), Fahriddin Alimov (“Sherdor”), Ilhom Aliboev (“Iftixor”) hamda Ravshan Yangiev (“G'ijduvon”) 10-turda raqiblari darvozasiga ikkitadan to'p kiritdi. Etiborlisi ularning ichida birgina Aliboevning jamoasi mag'lub bo'ldi.

Etiborlisi “B” guruhidagi o'yinlarda avtogol va penalti sodir bo'lmadi.

10-turda kimlar gol urdi?
1. Shoxjahon Abbosov (2ta) – “Zomin”.
2. Elbek Ravshanov – “Nurafshon”.
3. Murod To'ychiboev – “Nurafshon”.
4. Bahrom Narzullaev – “G'ijduvon”.
5. Ravshan Yangiev (2ta) – “G'ijduvon”.
6. Ilyos Sadriddinov – “Xotira-79”.
7. Umar Navro'zov – “Sherdor”.
8. Fahriddin Alimov (2ta) – “Sherdor”.
9. Ilhom Aliboev (2ta) – “Iftixor”.

PRO-Liga, “B” guruhi. 10-turning eng tezkor goli va boshqalar haqida