Tadbirda Portugaliya futboli afsonalari Luish Nani va Rikardu Kuarejma "Shon-sharaf" zaliga kiritilganliklari rasman e'lon qilindi.
"Kuarejma va Nanini "Shon-sharaf" zaliga kirganliklari bilan tabriklaymiz", - deb fikr bildirilgan liga matbuot xizmati tomonidan berilgan xabarda.
Ma'lumot uchun, Rikardu Kuarejma futbolchilik faoliyatini 2022 yilda yakunlagan. U Portugaliya termasi safida 80 ta uchrashuvda maydonga tushib, 10 ta gol urgan va yana 24 ta golga assist bo'lgan. U terma safida 2016 yilda Yevropa chempionligini qo'lga kiritgan.
Luish Nani esa faoliyatini o'tgan yili yakunladi. U Portugaliya termasi libosida jami 111 ta uchrashuvda maydonga tushgan. Uning hisobida 24 tadan gol va assist bor. U ham 2016 yilgi Yevropa chempionatida Portugaliya safida g'alaba qozongan.
