Unga ko'ra, OCHLda qatanashadigan uchta klubimiz qaysi guruhlardan o'rin olishlari ma'lum bo'ldi.

OCHLdagi ishtirokini guruh bosqichidan boshlaydigan "Lokomotiv" jamoasi "B" guruhidan o'rin oldi.

OCHL-2018. "Lokomotiv" guruh bosqichini o'z uyida boshlab, o'z uyida tugatadi

Qolgan ikkita klubimiz "Paxtakor" va "Nasaf" esa pley-off bosqichidan o'ta olsa guruh bosqichida ishtirok etadi.

"Nasaf" agarda "Ay Faysali" to'sig'idan o'tsa, unda "C" "kvarteti"dan joy oladi.

OCHL-2018. "Nasaf" guruh bosqichiga chiqsa, Xavi O'zbekistonga keladi

"Paxtakor" esa "Al Garafa"ni mag'lub etishni uddalasa, unda "A" guruhiga borib tushadi.

OCHL-2018. "Paxtakor" "Al Garafa"ni mag'lub etsa qaysi guruhda o'ynaydi?

"Paxtakor"ning pley-offdagi raqibi "Al Garafa" "sherlar" uchun qanchalik tanish raqib?

Shu vaqtga qadar ushbu jamoalar jami 5 marotaba o'zaro to'qnash kelishganini guvohi bo'lamiz.

Dastlab bu ikkala jamoa 2002 yil OCHL Pley-off bosqichida, keyinroq 2008 yili OCHL guruh bosqichida birga tushishgan.

2002 yil Qatarda o'tgan o'yinda mezbonlar 4:3 hisobida zafar quchishgan. Toshkentda esa "Paxtakor" yirik hisobda g'olib bo'lgan - 3:0.

2008 yil Dohadagi bahs gollarga boy kechgan va yakunda jamoalar murosa ko'chasini tanlashgan - 2:2. Toshkentda bo'lib o'tgan o'yinda esa "Paxtakor" "Al Garafa"ga hech qanday imkoniyat qoldirmagan - 2:0.

Shuningdek, bu ikki tanish raqiblar 2010 yilgi OCHLning 1/16 final bosqichida o'zaro ro'baro kelishgan. O'shanda bir o'yinlik pley-off bellashuvida "Al Garafa" futbolchisining birgina goli nimchorak final masalasini hal etgan.

Shu tariqa hozirgacha o'tkazilgan 5ta o'yinda kuchlar teng. Har ikkala jamoa ikkitadan g'alaba qozongan va bir uchrashuvda g'olib nomi aniqlanmagan.

Eslatib o'tamiz, 30 yanvar kuni OCHL pley-off uchrashuvida "Al Garafa" hamda "Paxtakor" jamoalari Dohada OCHL guruh bosqichiga yo'llanmani qo'lga kiritish uchun kurash olib borishadi.

"Nasaf"ning OCHLdagi bo'lajak raqibi eski "qadrdonlar"

"Paxtakor" uchun "Al Garafa" qanday raqib?