Uchrashuvdan avval 1979 yil 11 avgust kuni aviahalokat natijasida hayotdan ko'z yumgan futbolchilar xotirasiga bag'ishlab badiiy dastur namoyish etildi. Unda jamoa a'zolarini yodga oladigan chiqishlar va qo'shiqlar ijro etildi. "Paxtakor-79" jamoasi xotirasiga atab ishlangan turli videoroliklar namoyish etib turildi.

Uchrashuvda esa stadionga tashrif buyurgan ishqibozlar yaqin o'tmishdagi futbol afsonalarining ajoyib harakatlaridan bahra olishdi. Katta yoshdagi muxlislar o'yin davomida miriqib o'zlarining suyuklilarini yana qo'llab-quvvatlash imkoniyatiga ega bo'lishdi. Har ikki jamoa a'zolari mahoratlari haligacha yuqori ekanini ko'rsatishga intilishdi. Bellashuv do'stona 4:4 hisobida yakunlandi. "Paxtakor"dan Azamat Abduraimov, sobiq SSSRdan Igor Belanov xet-trikka erishdi. Ravshan Bozorov va Dmitriy Kuznecov hisobiga esa bittadan gol yozildi.

O'zining oxirigacha kurashishi, sadoqati, intilishi bilan ishqbozlar qalbiga yo'l topgan "Paxtakor-79" jamoasi xotirasini har doim yodga olamiz. Akademiyamizda tahsil olayotgan bolalarga shonli jamoaga munosib avlod bo'lib voyaga etishi to'g'risida doim takidlanadi.

"Paxtakor-79" hamisha yodimizda va qalbimizda. Ular bilan faxrlanamiz!

"PAXTAKOR" - SOBIQ SSSR TERMA JAMOASI - 4:4 (3:2)
11 avgust. "Paxtakor" stadioni.
Hakamlar: B.Haydarov, K.Smirnov, B.Tog'aev, SH.Po'latov.
"Paxtakor" (umumiy tarkib): Aleksey Roshin, Murod Aliev, Denis Ivankov, Farhod Magomedov, Mahmud Sobirov, Islom Ahmedov, No'mon Hasanov, Igor Shkvirin, Azamat Abduraimov, Jasur Abduraimov, Ilhom Sharipov, Jafar Irismetov, Ravshan Bozorov, No'mon Nurmatov, Oleg Sobirov, Aleksandr Xvostunov, Sergey Lebedev, Oybek Usmonxo'jaev, Baxtiyor Ashurmatov, Furqat Esonboev, Pavel Bugalo, Sergey Lushan, Qayrat O'taboev, Sobir Xodiev, Abduqahhor Marufaliev, Gocha Tkebuchava, Mirjalol Qosimov, Nuriddin Amriev, Yuriy Kurbiko.

Sobiq SSSR terma jamoasi: Otar Gabeliya, Kuralbek Ordabaev, Ruslan Nigmatullin, Vladimir G'ulomhaydarov, Vladimir Bessonov, Aleksey Mixaylichenko, Aleksandr Zavarov, Vagiz Xidiyatullin, Valeriy Kechinov, Valeriy Shmarov, Dmitriy Kuznecov, Ruslan Mamedov, Aleksandr Mirzoyan, Andrey Emanov, Andrey Pyatnickiy, Vladimir Gucaev, Aleksandr Chivadze, Andrey Kanchelskis, Vasilis Xadzipanagis, Evgeniy Yarovenko, Andrey Fyodorov.

Gollar: Azamat Abduraimov 8, 26, 50-pen, Bozorov 17 - Belanov 27, 51, 54, Kuznecov 28.

Tez orada saytimizda ushbu o'yindan to'liq fotogalereya taqdim etiladi.

"Paxtakor" - SSSR 4:4. Afsonalar o'yinida do'stona durang