Унда икки нафар вакилимиз иштирок этмоқда:
Фирдавс Нор Сафаров — 2026 йилги АҚШ, Канада ва Мексика мезбонлик қиладиган эркаклар ўртасидаги Жаҳон чемпионати учун ВАР ҳаками номзодлари рўйхатидан жой олди. У айни дамда назарий ва амалий машғулотларда ўз маҳоратини оширмоқда.
Эдита Мирабидова — 2027 йил Бразилияда ўтказиладиган аёллар ўртасидаги Жаҳон чемпионати учун ВАР ҳаками сифатида номзод қилиб кўрсатилди. У халқаро мутахассислар назорати остида видео ёрдамчи ҳакамлик бўйича тайёргарликдан ўтмоқда.
Мазкур семинар ФИФА томонидан энг юқори савиядаги турнирларда ишлайдиган ҳакамларни шакллантириш йўлидаги муҳим босқичдир.
