Biz mazkur sanada tavallud topgan va qo'shaloq bayramni qarshi olgan futbolchi, murabbiylar haqida to'xtalib o'tishni lozim topdik.

Davron Fayziev ("Qo'qon-1912" murabbiyi) - Bugun "Qo'qon-1912" jamoasi murabbiylaridan biri Davron Fayziev tavallud topgan kun. O'tmishning yorqin futbolchisi, o'z poziciyasining ishonchli vakillaridan biri bo'lgan mutaxassis hozirda Baxtiyor Ashurmatovga yaqindan ko'maklashmoqda. Ushbu mutaxassisni aksariyat ishqibozlar "So'g'diyona"dagi faoliyati orqali tanishadi. O'sha vaqtlarda jizzaxliklarning kamtarin byudjet va tarkib bilan elitada barqaror ishtirokida Davron Fayzievning hissasi katta edi. Demak vatan himoyachilari bayrami va tug'ilgan kun muborak bo'lsin Davron Orifovich!

Sherzod Azamov ("Paxtakor" futbolchisi) - Superligada barqaror o'yin ko'rsatib kelayotgan kam sonli mudofaa chizig'i vakillaridin biri Sherzod Azamov hisoblanadi. "Mashal" tarbiyalanuvchisi "Nasaf" libosida 100ga yaqin o'yinda maydonga tushgan bo'lsa, ayni paytda "Paxtakor" tarkibida ishonchli harakat qilib kelmoqda. Himoyachi bugun 32 yoshni qarshi oldi. Sherzod Azamovni bugungi kun bilan samimiy qutlaymiz.

Sardor Telyakov ("Navbahor" futbolchisi) - Shuningdek bugun "Navbahor" yarim himoyachisi Sardor Telyakov vatan himoyachilari kunida o'z tug'ilgan kunini nishonlamoqda. Futbolchi 28 yoshga to'ldi. Uni ham qo'shaloq bayram bilan tabriklab qolamiz.

Shuningdek, jahon futbolidan Jonatan Devid ("Lill"), Deklan Rays ("Vest Xem"), Emerson ("Tottenxem"), ispaniyalik sobiq posbon Viktor Valdes ham tavallud kunini o'tkazayotganini shunchaki eslab o'tishni joiz.

O'zbek futbolida kimlar qo'shaloq bayram qilmoqda?